आमच्याविषयी

बुलडाणा जिल्ह्यातील धाड येथे सुरू झालेले हे धाम आज अनेक बेवारस, आजारी, वृद्ध आणि दूध न देणाऱ्या गोवंशाचे घर आहे. श्री. एकनाथ शामराव दौंड आणि सहकाऱ्यांनी गोमातेच्या सेवेचा संकल्प केला आणि ९ एप्रिल २०१८ रोजी धर्मादाय आयुक्त कार्यालयात न्यासाची नोंदणी झाली.

आज धाम केवळ गोशाळा नाही — दुष्काळात मोफत पाणी टँकर सेवा, गावोगावी मोफत लसीकरण शिबिरे, ग्रीन इंडिया मिशनसोबत वृक्षारोपण आणि गरजूंना अन्नदान असे अनेक उपक्रम येथून चालतात.